E Video vum éischte Prototyp vun der iPhone-App. En Datum fir d’Verëffentlechung am AppStore gëtt et nach net, awer Feedback fir de Video ass wëllkomm. 
D’Zil vun dësem Projet ass et, ee Korrekturprogramm fir déi lëtzebuergesch Sprooch ze entwéckelen.
- Mini-Spellchecker: Eenzel Wierder korrigéieren
- Online-Checker: Texter verbesseren ouni eppes ze installéieren
- Thesaurus: Synonyme sichen
- Downloads: fir OpenOffice.org, Mozilla Firefox a Mozilla Thunderbird
- Smartphone-Versioun: Spellchecker.lu fir iPhone an aner Smartphones
- Facebook-Säit: Fir deng Ënnerstëtzung ze weisen
- Froen oder Feedback?: Email-Adress michel@spellchecker.lu
De 15. Juni war de Michel Weimerskirch op RTL fir de Projet Spellchecker.lu ze presentéieren. Eng Opnam vun der Sendung “20 vir – Planet Magazin” kanns Du ënnert dëser Adress kucken (dem Michel säin Optrëtt ass bei Positioun 16:20 am Video): http://tele.rtl.lu/waatleeft/replay/v/20100615/127/19429/
Dacks ginn ech gefrot firwat ech et esou wichteg fannen dass lëtzebuergesch Texter orthographesch richteg geschriwwe ginn. Meng Äntwert besteet üblecherweis aus dräi kuerzen awer wichtege Ideeën:
- Texter si méi einfach ze liesen. Wann am Idealfall jiddwereen sech un eis Orthographie hält, kann ee méi einfach anere Leit hir Texter liesen.
- Et ass méi kloer ze verstoe wat gemengt ass, well d’Bedeitung vun de Wierder kloer ass. Zweedäitegkeete gi reduzéiert, an doduerch Mëssverständnisser verhënnert.
- Besonnesch fir Firmen déi hire Schrëftverkéier archivéieren ass et wichteg dass Dokumenter nach kënnen an e puer Joer fonnt ginn. Eng eenheetlech Orthographie garantéiert also eng besser Archivéierbarkeet. Méi akut ass de Problem op Internetsäiten: Wann ee wëll dass d’Benotzer eppes op engem Internetsite erëmfannen, dann huet een duerch eng eenheetlech Orthographie e Virdeel well d’Inhalter esou geschriwwe sinn, wéi dem Benotzer et mat senge Sichbegrëffer erwaart.
Wat ass deng Meenung zu dëser Begrënnung firwat et wichteg ass eng eenheetlech Orthographie ze benotzen? Schreif e Commentaire an diskutéiert mat!
- Michel Weimerskirch
TweetAktioun “Op Facebook richteg Lëtzebuergesch schreiwen”
Eng Aktioun vu Spellchecker.lu mam Zil, dat geschriwwent Lëtzebuergesch op Facebook wesentlech ze verbesseren.
D’Approche ass ganz einfach: Mir versiche méiglechst vill Benotzer dovunner ze iwwerzeegen, Firefox mam Spellchecker.lu-Plugin ze installéieren an en dann och op Facebook ze benotzen.
Dat verlaangt natierlech e bësse Mathëllef vun de Benotzer, dofir wëlle mer mat enger spezieller Säit d’Installatiounsprozedur esou einfach ewéi méiglech maachen. Méi Informatiounen
Google-Sich-Optioun beim Mini-Spellchecker
Bei all Korrektur déi een am Mini-Spellchecker mécht gëtt elo eng Optioun ugebueden fir dat korrigéiert Wuert bei Google ze sichen. Nodeems eis opgefall war dass vill Benotzer net sécher sinn ob e Korrekturvirschlag sënnvoll ass oder net, gëtt et säit leschtem Joer scho bei verschiddene Wierder d’Méiglechkeet Informatiounen op Wikipedia oder beim Luxogramm nozesichen.
Nei ass elo eng direkt Optioun fir dat korrigéiert Wuert mat engem Klick op Google ze sichen. Dat ass beispillsweis dann interessant wann ee Korrekturvirschlag kéint mat engem Persounen- oder Markennumm verwiesselt ginn; eng kuerz Internetsich kéint do Gewëssheet verschafen.
Optiméiert Duerstellung vu Spellchecker.lu op iPhone
Wann ee mat engem iPhone op www.spellchecker.lu surft muss een elo net méi zoomen an hin-an-hir scrollen. De Site ass elo fir déi kleng Schiermer optiméiert.
Artikele ginn iwwersiichtlech op der éischter Säit ugewisen. Mat engem Klick op de Feil uewen um Schierm gëtt eng Lëscht vun den anere Säiten um Site ugewisen.
Eyaflalala…wat gelift? Spellchecker.lu weess et!
Nieft deenen üblechen neie Wierder déi all Mount agedroe ginn, kennt Spellchecker.lu kennt elo den Numm vun dem Vulkan deen eis an de leschten Deeg esou grouss Suerge gemaach huet. Ausserdeem ginn elo Wierder ewéi “Äschewollek” korrigéiert. Merci alle Benotzer déi nei Wierder virgeschloen hunn!
Eng Aktioun vu Spellchecker.lu mam Zil, dat geschriwwent Lëtzebuergesch op Facebook wesentlech ze verbesseren.
D’Approche ass ganz einfach: Mir versiche méiglechst vill Benotzer dovunner ze iwwerzeegen, Firefox mam Spellchecker.lu-Plugin ze installéieren an en dann och op Facebook ze benotzen.
Tweet