Méintlechen Archive fir Mäerz, 2010

E schéine Bonjour un all d’Télécran-Lieser

Verëffentlecht den 10. Mäerz 2010 an Divers. 2 Kommentaren

Dës Woch ass en Artikel iwwer Spellchecker.lu am Télécran. Dofir allen Télécran-Lieser an neie Benotzer: Wëllkomm op Spellchecker.lu!

Iwwert den Online-Checker kanns du ganz einfach deng Texter verbesseren ouni eppes ze installéieren. Et ginn awer och Download-Versioune fir OpenOffice.org a fir Mozilla Firefox an Thunderbird. An du kanns Spellchecker.lu op engem iPhone oder engem anere Smartphone benotzen.

Wann s du deng Ënnerstëtzung weise wëlls, kanns du dem Spellchecker.lu-Grupp op Facebook bäitrieden, oder aktuell Informatiounen op Twitter verfollegen.

Bei Froen oder fir Feedback sinn ech op der Email-Adress michel@spellchecker.lu ze erreechen.

Merci fir däin Intressi u Spellchecker.lu,
Michel Weimerskirch

OpenOffice.org 3.2

Verëffentlecht den 9. Mäerz 2010 an Neies. 0 Kommentaren

Virun e puer Woche ass den neien OpenOffice.org 3.2 erauskomm. Dës nei Versioun bréngt wichteg Verbesserunge mat, wéi beispillsweis: eng méi kuerz Startzäit, eng verbessert Import-Funktioun fir docx-Fichieren, eng Kommentar-Funktioun fir Draw an Impress, nei Diagramm-Typen, a villes méi.

Wichteg fir Spellchecker.lu-Benotzer ass déi verbessert Lëtzebuergesch Autokorrektur déi automatesch bei all OpenOffice.org-Installatioun mat installéiert gëtt.

Download:

Weider Informatiounen iwwert déi nei Versioun: