Dës Woch ass en Artikel iwwer Spellchecker.lu am Télécran. Dofir allen Télécran-Lieser an neie Benotzer: Wëllkomm op Spellchecker.lu!
Iwwert den Online-Checker kanns du ganz einfach deng Texter verbesseren ouni eppes ze installéieren. Et ginn awer och Download-Versioune fir OpenOffice.org a fir Mozilla Firefox an Thunderbird. An du kanns Spellchecker.lu op engem iPhone oder engem anere Smartphone benotzen.
Wann s du deng Ënnerstëtzung weise wëlls, kanns du dem Spellchecker.lu-Grupp op Facebook bäitrieden, oder aktuell Informatiounen op Twitter verfollegen.
Bei Froen oder fir Feedback sinn ech op der Email-Adress michel@spellchecker.lu ze erreechen.
Merci fir däin Intressi u Spellchecker.lu,
Michel Weimerskirch
Gudde Moien,
Als éischt villmools Merci fir däi Programm. Hunn gemierkt dat däin “Eifeler Regel” Plugin net geet, hunn een komeschen Feeler op OpenOffice.org 3.2 an dowéinst deen net installéieren kann. Huet mäin Ubuntu Lucid (Alpha) e Feeler oder geet de Plugin am Moment net? Ech soen dir Merci am Viraus.
Moien
wahrscheinlech hues du d’Java-Runtime net installéiert. Dat kanns du mat “sudo apt-get install sun-java6-jre” maachen. Duerno dierft d’Installatioun ouni Problem funktionéieren.
mbG,
Michel