Spellchecker.lu » Neies http://spellchecker.lu Lëtzebuergesch Texter online korrigéieren Wed, 23 Jun 2010 19:52:55 +0000 lb hourly 1 Dëse Mount nei op Spellchecker.lu http://spellchecker.lu/2010/04/dese-mount-nei-op-spellchecker-lu/ http://spellchecker.lu/2010/04/dese-mount-nei-op-spellchecker-lu/#comments Wed, 21 Apr 2010 22:41:43 +0000 Michel http://spellchecker.lu/?p=548 Aktioun “Op Facebook richteg Lëtzebuergesch schreiwen”

Eng Aktioun vu Spellchecker.lu mam Zil, dat geschriwwent Lëtzebuergesch op Facebook wesentlech ze verbesseren.

D’Approche ass ganz einfach: Mir versiche méiglechst vill Benotzer dovunner ze iwwerzeegen, Firefox mam Spellchecker.lu-Plugin ze installéieren an en dann och op Facebook ze benotzen.

Dat verlaangt natierlech e bësse Mathëllef vun de Benotzer, dofir wëlle mer mat enger spezieller Säit d’Installatiounsprozedur esou einfach ewéi méiglech maachen. Méi Informatiounen

Google-Sich-Optioun beim Mini-Spellchecker

Bei all Korrektur déi een am Mini-Spellchecker mécht gëtt elo eng Optioun ugebueden fir dat korrigéiert Wuert bei Google ze sichen. Nodeems eis opgefall war dass vill Benotzer net sécher sinn ob e Korrekturvirschlag sënnvoll ass oder net, gëtt et säit leschtem Joer scho bei verschiddene Wierder d’Méiglechkeet Informatiounen op Wikipedia oder beim Luxogramm nozesichen.

Nei ass elo eng direkt Optioun fir dat korrigéiert Wuert mat engem Klick op Google ze sichen. Dat ass beispillsweis dann interessant wann ee Korrekturvirschlag kéint mat engem Persounen- oder Markennumm verwiesselt ginn; eng kuerz Internetsich kéint do Gewëssheet verschafen.

Optiméiert Duerstellung vu Spellchecker.lu op iPhone

Wann ee mat engem iPhone op www.spellchecker.lu surft muss een elo net méi zoomen an hin-an-hir scrollen. De Site ass elo fir déi kleng Schiermer optiméiert.

Artikele ginn iwwersiichtlech op der éischter Säit ugewisen. Mat engem Klick op de Feil uewen um Schierm gëtt eng Lëscht vun den anere Säiten um Site ugewisen.

Eyaflalala…wat gelift? Spellchecker.lu weess et!

Nieft deenen üblechen neie Wierder déi all Mount agedroe ginn, kennt Spellchecker.lu kennt elo den Numm vun dem Vulkan deen eis an de leschten Deeg esou grouss Suerge gemaach huet. Ausserdeem ginn elo Wierder ewéi “Äschewollek” korrigéiert. Merci alle Benotzer déi nei Wierder virgeschloen hunn!

]]> http://spellchecker.lu/2010/04/dese-mount-nei-op-spellchecker-lu/feed/ 0 Aktioun: Op Facebook richteg Lëtzebuergesch schreiwen http://spellchecker.lu/2010/04/nei-aktioun-op-facebook-richteg-letzebuergesch-schreiwen/ http://spellchecker.lu/2010/04/nei-aktioun-op-facebook-richteg-letzebuergesch-schreiwen/#comments Sat, 03 Apr 2010 11:53:03 +0000 Michel http://spellchecker.lu/?p=538 Eng Aktioun vu Spellchecker.lu mam Zil, dat geschriwwent Lëtzebuergesch op Facebook wesentlech ze verbesseren.

D’Approche ass ganz einfach: Mir versiche méiglechst vill Benotzer dovunner ze iwwerzeegen, Firefox mam Spellchecker.lu-Plugin ze installéieren an en dann och op Facebook ze benotzen.

Matmaachen

]]> http://spellchecker.lu/2010/04/nei-aktioun-op-facebook-richteg-letzebuergesch-schreiwen/feed/ 0 OpenOffice.org 3.2 http://spellchecker.lu/2010/03/openoffice-org-3-2/ http://spellchecker.lu/2010/03/openoffice-org-3-2/#comments Tue, 09 Mar 2010 21:28:44 +0000 Michel http://spellchecker.lu/?p=504 Virun e puer Woche ass den neien OpenOffice.org 3.2 erauskomm. Dës nei Versioun bréngt wichteg Verbesserunge mat, wéi beispillsweis: eng méi kuerz Startzäit, eng verbessert Import-Funktioun fir docx-Fichieren, eng Kommentar-Funktioun fir Draw an Impress, nei Diagramm-Typen, a villes méi.

Wichteg fir Spellchecker.lu-Benotzer ass déi verbessert Lëtzebuergesch Autokorrektur déi automatesch bei all OpenOffice.org-Installatioun mat installéiert gëtt.

Download:

Weider Informatiounen iwwert déi nei Versioun:

]]> http://spellchecker.lu/2010/03/openoffice-org-3-2/feed/ 0 OpenSearch-Funktionalitéit fir Spellchecker.lu http://spellchecker.lu/2010/02/opensearch/ http://spellchecker.lu/2010/02/opensearch/#comments Sun, 21 Feb 2010 21:52:55 +0000 Michel http://spellchecker.lu/?p=484 De Pit, en treie Spellchecker.lu-Benotzer, war esou fäin fir mer eng kleng Erweiderung fir de Site ze schécken. Mat der OpenSearch-Funktionalitéit, déi elo an de Site integréiert ass, kann een am Firefox an am Internet Explorer iwwert d’Sichfeld vum Browser direkt bestëmmte Wierder sichen.

Am Browser e Wuert an d’Sichfeld aginn… :

… a scho gëtt d’Resultat op Spellchecker.lu ugewisen:

Eng detailéiert Beschreiwung ass um Pit sengem Blog ze fannen.

]]> http://spellchecker.lu/2010/02/opensearch/feed/ 0 Gezwitscher http://spellchecker.lu/2009/10/gezwitscher/ http://spellchecker.lu/2009/10/gezwitscher/#comments Mon, 05 Oct 2009 15:59:57 +0000 Michel http://spellchecker.lu/?p=423 Spellchecker.lu ass elo och op Twitter vertrueden: http://twitter.com/spellchecker_lu. Ech versichen an Zukunft iwwert dëse Kanal kleng Status-Updaten ze verbreeden.

Doriwwer ewech gëtt et scho méi laang och e Profil op Facebook: http://www.facebook.com/pages/Spellcheckerlu/61111806577. Och hei wäert ech weiderhin aktuell Informatiounen iwwert de Projet bekanntginn.

]]> http://spellchecker.lu/2009/10/gezwitscher/feed/ 0 Luxogramm-Integratioun am Mini-Spellchecker http://spellchecker.lu/2009/08/luxogramm-integratioun-am-mini-spellchecker/ http://spellchecker.lu/2009/08/luxogramm-integratioun-am-mini-spellchecker/#comments Thu, 20 Aug 2009 12:37:13 +0000 Michel http://spellchecker.lu/?p=399 Luxogramm am Mini-SpellcheckerDe Mini-Spellchecker (an der Kolonn riets op www.spellchecker.lu) verweist elo bei Verben op déi jeeweileg Säit am Luxogramm. Luxogramm ass e System fir grammatesch Informatiounen iwwert d’Lëtzebuergescht, deen am Laboratoire de linguistique et de littératures luxembourgeoises op der Uni Lëtzebuerg ënnert der Leedung vum Peter Gilles entstanen ass.

Luxogramm-BeispillDuerch dës Verlinkung kann ee sech mat engem eenzege Klick eng iwwersiichtlech Duerstellung vun der kompletter Flexioun vun alle lëtzebuergesche Verben an allen Zäiten ukucken. Ausserdeem gëtt et fir all Verb och eng Däitsch an eng Franséisch Iwwersetzung genee esou wéi och Explikatiounen iwwert Onregelméissegkeeten a Schwieregkeeten, iwwert déi ee gäre fält.

Fir et auszeprobéieren: einfach am Mini-Spellchecker e Verb antippen, et korrigéiere loosse falls et falsch geschriwwen ass, an da bei “Méi Informatiounen iwwert dëst Wuert” op “Luxogramm” klicken.

]]> http://spellchecker.lu/2009/08/luxogramm-integratioun-am-mini-spellchecker/feed/ 0 Technesche Problem behuewen http://spellchecker.lu/2009/08/technesche-problem-behuewen/ http://spellchecker.lu/2009/08/technesche-problem-behuewen/#comments Wed, 19 Aug 2009 00:21:47 +0000 Michel http://spellchecker.lu/2009/08/technesche-problem-behuewen/ Wéinst engem technesche Problem sinn an de leschten dräi Deeg an der Online-Versioun vu Spellchecker.lu vill Wierder fälschlecherweis als Feeler markéiert ginn. De Problem ass elo geléist an de Service funktionéiert nees normal. Ech entschëllege mech fir eventuell Problemer. D’Download-Versioune waren net betraff.

]]> http://spellchecker.lu/2009/08/technesche-problem-behuewen/feed/ 0 Opera 10 Beta 2 mat Lëtzebuergeschem Spellchecker http://spellchecker.lu/2009/07/opera-10-beta-2-mat-letzebuergeschem-spellchecker/ http://spellchecker.lu/2009/07/opera-10-beta-2-mat-letzebuergeschem-spellchecker/#comments Thu, 16 Jul 2009 09:55:42 +0000 Michel http://spellchecker.lu/?p=384 Spellchecker.lu am Opera-BrowserOpera ass nieft Firefox a Safari ee vun deene méi modernen an innovative Web-Browseren. Déi nei Beta-Versioun huet deementspriechend och nees vill interessant Neierungen.

Ganz interessant ass awer och dass Spellchecker.lu elo an den Opera-Browser integréiert ass. Doduerch ginn elo beim Tippen (z.B. op Facebook) Feeler ënnerstrach, an et gi mat engem Klick Korrekturvirschléi ugebueden. (Am Firefox ass dat scho méi laang méiglech; hei muss ee just eng kleng Erweiderung installéieren.)

D’Installatioun am Opera ass ganz einfach: An iergend engem Textfeld mat der rietser Maustast dra klicken, de Spellchecker aktivéieren an da bei “Languages” op “Add languages” klicken a Lëtzebuergesch auswielen. Fir ze testen dierfs du gären e klenge Commentaire op dës Säit oder op der Facebook-Säit hannerloossen. :-)

PS: Opera gëtt et iwwregens och komplett op Lëtzebuergesch. De Patrick iwwersetzt regelméisseg déi nei Opera-Versiounen a stellt d’Iwwersetzunge gratis an den Internet. Déi aktuell “Sproochendatei” kanns du op opera-info.de eroflueden.

]]> http://spellchecker.lu/2009/07/opera-10-beta-2-mat-letzebuergeschem-spellchecker/feed/ 2 Nei Funktioun: Perséinlech Wierderlëscht http://spellchecker.lu/2009/07/nei-funktioun-perseinlech-wierderlescht/ http://spellchecker.lu/2009/07/nei-funktioun-perseinlech-wierderlescht/#comments Sun, 05 Jul 2009 00:04:43 +0000 Michel http://spellchecker.lu/?p=382 Et ass elo méiglech eng perséinlech Wierderlëscht unzeleeën. Domat kann een dem Spellchecker nei Wierder bäibréngen déi dann an den eegenen Texter net méi ënnerstrach ginn. D’Verbesserung bei anere Benotzer gëtt doduerch net beaflosst.

Déi perséinlech Wierderlëschte gi regelméisseg duerchgekuckt fir dem Spellchecker nei Wierder bäizebréngen, esou datt jidderee kann dovu profitéieren.

Fir nei Wierder anzedroen: Umellen an dann am Online-Checker bei onbekannten (awer richteg geschriwwene) Wierder d’Optioun “Add to Dictionary” wielen.

Fir d’Lëscht nozekucken a Wierder ze läschen: Umellen an dann am Online-Checker op de Link “Perséinlech Wierderlëscht geréieren” klicken.

]]> http://spellchecker.lu/2009/07/nei-funktioun-perseinlech-wierderlescht/feed/ 0 Neien Update http://spellchecker.lu/2009/07/neien-update/ http://spellchecker.lu/2009/07/neien-update/#comments Thu, 02 Jul 2009 19:22:58 +0000 Michel http://spellchecker.lu/2009/07/neien-update/ Haut ass en neien Update vum Spellchecker erauskomm: Vill nei Wierder an eng ganz Rei Korrekturen. Ënner anerem ass e Problem mat falsch kodéierte Sonnerzeeche geléist ginn.

]]> http://spellchecker.lu/2009/07/neien-update/feed/ 0