Downloads fräigeschalt

D’Team vu Spellchecker.lu freet sech fir matzedeelen, dass de fräie Spellchecker fir déi Lëtzebuergesch Sprooch vun elo och als Download-Versioun prett ass. Ënner www.spellchecker.lu kënnen elo verschidde Versioune vum Spellchecker erofgeluede ginn. Dat ënnert anerem fir dës Programmer:

Donieft gëtt et och nach een Installatiounspak fir d’Betriebssystem Ubuntu. Fir OpenOffice.org gëtt et ausserdeem nach en Thesaurus (Synonymendictionnaire) an e Plugin fir d’Eifeler Regel ze korrigéieren.

De Grousse Panda steet als Symbol fir dës Verëffentlechung. E gëllt wéinst sengem aussergewéinleche Fell allgemeng als léif a sympatesch. Gläichzäiteg ass en awer leider aus dem selwechte Grond bis an d’fréit 19. Jorhonnert gejot a säitdeem ënner Aarteschutz gestallt ginn.

Nodeems de Projet sech am Mee, zwee Joer nom Lancement, mat enger neier Internetsäit, engem neie Logo, engem verbesserten Online-Checker an zousätzlech engem Thesaurus zeréck gemellt hat ass dat heiten domat déi zweet gréisser Ukënnegung vum Projet fir dëst Joer.

De Spellchecker an den Thesaurus ginn ënnert enger Open-Source-Lizenz verdeelt. Doduerch kënnen och aner Initiativë vum Projet Spellchecker.lu profitéieren. Entgéint der ursprénglecher Ukënnegung hu mir eis awer net fir d’LGPL-Lizenz mee fir d’EUPL-Lizenz entscheet. D’EUPL ass eng Lizenz fir fräi Software, déi vun der Europäescher Kommissioun approuvéiert ginn ass. Se erlaabt, ënnert anerem, explizit d’Kopéieren an d’Modifizéiere vun der lizenséierter Software, ënnert der Bedingung dass all Modifikatiounen déi selwecht Lizenz behalen. Se existéiert an den 23 offizielle Sprooche vum Europäesche Parlament an ass entgéint anere Lizenzmodeller fir Open-Source-Software méi flexibel well se explizit d’Relizenséierung ënnert bestëmmten aneren Open-Source-Lizenzen erlaabt.

Comments are closed