Déi nei Versioun vun OpenOffice.org ass virun zwou Woche verëffentlecht ginn. OpenOffice.org ass e gratis Software-Pak den aus enger Kombinatioun vun Textveraarbechtung, Tabellekalkulatioun, Presentatiounsmodul, Zeecheprogramm an Datebank besteet. Wichteg Neierungen an der Versioun 3.0 sinn:

• Komplett iwwerschafften Tabellekalkulatioun
• Ënnerstëtzung fir MacOS X
• Verbessert Ënnerstëtzung fir Microsoft Office-Dokumenter
• Nei Schnettstell fir Grammatik-Korrekturen (Däitsch, Englesch a Franséisch Grammatik-Moduler kennen am “Extension Repository” gratis erofgelude ginn.)

De Spellchecker fir Lëtzebuergesch kann op der Download-Säit erofgelude ginn. Et lount sech also op déi nei Versioun vun OpenOffice.org ëmzeklammen.