Aktualitéit

Aktuell Informatiounen iwwert de Projet

Spellchecker.lu-App elo fir all modern Smartphones (iPhone, Android an anerer)

Spellchecker.lu ass zënter Joeren déi bescht Referenz um Internet fir korrekt Lëtzebuergesch ze schreiwen. Awer Spellchecker.lu ass scho laang net méi nëmmen eng banal Internetsäit fir just Texter ze korrigéieren. An de leschte Joeren a Méint koumen ëmmer erëm nei innovativ Produiten op de Marché. Nodeems am Mee d’iPhone-App vu Spellchecker.lu verëffentlecht ginn ass, gëtt dës Initiativ elo weidergefouert.

Vun haut u gëtt et dofir nieft der App fir iPhone/iPod/iPad och eng App fir Android. A well et nieft iPhone an Android och nach aner Geräter ginn, gëtt et vun haut un och nach eng generesch Web-App fir modern Smartphones. Dës Web-App funktionéiert mat Symbian, Blackberry, Windows Phone an anere moderne Smartphones*.
(méi…)

Weiderliesen Commentaire schreiwen

Spellchecker.lu fir OS X

Nodeems ech schon dacks duerno gefrot gi sinn ass et haut endlech esou wäit: Spellchecker.lu gëtt et elo och fir Mac OS X. D’Orthographiekorrektur gëtt fest an de System integréiert a kann dann a  bal all Applikatioun benotzt ginn (Mail, Safari, TextEdit, etc). Méi Informatiounen op der Säit Download -> OS X. D’Eifeler Regel gëtt leider net korrigéiert, dofir muss du weiderhin op den Online-Checker oder op de Plugin fir LibreOffice zeréckgräifen.

Vill Spaass beim Schreiwen!

Michel Weimerskirch
Web Application Developer
http://weimerskirch.lu

Weiderliesen Commentaire schreiwen