Aktualitéit

De 15. Juni war de Michel Weimerskirch op RTL fir de Projet Spellchecker.lu ze presentéieren. Eng Opnam vun der Sendung “20 vir – Planet Magazin” kanns Du ënnert dëser Adress kucken (dem Michel säin Optrëtt ass bei Positioun 16:20 am Video): http://tele.rtl.lu/waatleeft/replay/v/20100615/127/19429/

De Michel Weimerskirch war e Mëttwoch, 13. Januar, um Radio 100,7 an der Sendung “Invité virum Dag” op Besuch. De Gilles Wunsch huet him live op der Antenn Froen iwwert de Projet Spellchecker.lu gestallt.

En Enregistrement vun der Emissioun kann een op 100komma7.lu eroflueden a lauschteren (MP3-Fichier).

Am Télécran vun dëser Woch war am Kader vun der Artikelrei “Hat Luxemburgisch eine Zukunft” och Spellchecker.lu ernimmt ginn. Leider gëtt am Artikel behaapt, Spellchecker.lu géif just online funktionéieren. Den Auteur huet wuel den Download-Knäppchen iwwersinn (Ëmmerhin ginn et ënner anerem Download-Versioune fir OpenOffice.org, Mozilla Firefox a Mozilla Thunderbird déi och “offline” funktionéieren). Trotzdem e grousse Merci 😉

Duerch en Artikel op Säit 2 vum Lëtzebuerger Wort waren e Mëttwoch iwwer 900 Leit um Internetsite. Eng zweete Kéier war de Projet haut an der Rubrik “eng Klack fir eis Sprooch” (geschriwwe vun der Actioun Lëtzebuergesch) vertrueden. E grousse Merci un d’Auteuren.
(méi…)